Læsisstefna Grænuvalla

Haustið 2018 var okkur boðin þátttaka í þróunarverkefni um starfsþróun kennara sem að eftir nokkra íhugun við þáðum enda mjög mikilvægt að starfsþróun sé aðgengileg, sérstaklega fyrir skóla út á landi. Þróunarverkefni þetta er samstarfsverkefni mennta- og menningarmálaráðuneytis, Sambands íslenskra sveitafélaga, Kennarasambands Íslands, Menntavísindasviðs Háskóla Íslands, Háskólans á Akureyri, Listaháskóla Íslands og Skólameistarafélags Íslands.

Eftir nokkrar vangaveltur og forgangsröðun var ákveðið að ráðast í að búa til markvissa læsisstefnu fyrir leikskólann. Í lok árs 2020 var lokaskýrslu verkefnisins skilað til Menntamálaráðuneytisins og markviss læsisvinna þegar hafin á öllum deildum leikskólans.

Hvað gerist ef þú prófar?

„Hvað gerist ef þú prófar?“ er þróunarverkefni með það að markmiði að innleiða gæða STEAM starf í leikskólann, auka sjálfstraust kennara í gæða STEAM kennslu og útbúa verkfæri, kennsluáætlanir og hugmyndabanka til að auka aðgengi allra kennara á Grænuvöllum að námsefninu en kjarnafærni í STEAM ýtir undir sköpunarkraft, gagnrýna hugsun, teymisvinnu og samstarf, aðlögunarhæfni, lausn flókinna vandamála, leiðtogahæfni og samkennd sem er færni sem er svo mikilvæg í nútímasamfélagi. Verkefnið var unnið á skólaárunum 2024-2026 í samvinnu við STEM Húsavík.

Lítil skref á leið til læsis

Verkefnið miðar að því að:

• efla læsisnám barna í leik- og grunnskóla Húsavíkur

• auka fræðslu, stuðning og samstarf við foreldra

• styrkja samvinnu kennara á mótum skólastiga

• skapa samfellu í leik, námi og starfi barna frá leikskóla til grunnskóa

Þróunarverkefnið var unnið á skólaárunum 2024-2026.