Á Grænuvöllum er starfandi foreldrafélag og foreldraráð. Kosið er í stjórnir foreldrafélags og foreldraráðs ár hvert og er það gert á foreldrafundi að hausti.
Mælst er til þess að ávallt sitji einhver stjórnarmeðlimur í foreldrafélaginu í a.m.k. tvö ár til þess að hægt sé að fylgja eftir áætlunum fyrra árs og starfsemi félagsins gangi vel fyrir sig. Foreldrar greiða félagsgjöld árlega og stjórn félagsins tekur ákvörðun um nýtingu sjóðsins. Markmiðið er að nýta sjóðinn til fræðslu, viðburða og skemmtana og einnig í einhverja þætti sem ekki er gert ráð fyrir í fjárlögum leikskólans. Öllum er frjálst að koma með tillögur er varða nýtingu hans og hvetur stjórnin foreldra og starfsfólk til þess að setja sig í samband við hana með allar hugmyndir.
Fastir liðir í starfi foreldrafélagsins eru:
- Jólaepli frá jólasveinunum
- Uppbygging bókasafns leikskólans
- Sýning 7. bekkjar fyrir leikskólabörnin
- Sumarhátíð
Í stjórn foreldrafélagsins veturinn 2024-2025 sitja:
Formaður: Dóra Hrund Gunnarsdóttir dorah14@gmail.com
Varaformaður: Sandra Huld Helgudóttir alheimurinn@simnet.is
Gjaldkeri: Ketill Gauti Árnason gautibmw@gmail.com
Ritari: Berglind Ósk Kristjánsdóttir beok@mail.holar.is
Fulltrúi leikskólans: Sólveig Ósk Guðmundsdóttir sollaosk@gmail.com
Meðstjórnandi: Svanhildur Helga Berg svanhildurhelgaberg@gmail.com
Meðstjórnandi: Þröstur Þór Sigurðsson beok@mail.holar.is
Foreldraráð starfar með hagsmuni barna og foreldra þeirra að leiðarljósi og fylgist með því að hlúð sé að velferð og réttindum þeirra í leikskólastarfinu. Foreldraráð fjallar um og veitir umsögn um skólanámskrá og aðrar áætlanir er varða starfsemi leikskólans og skulu stjórnendur leikskólans bera allar meiriháttar ákvarðanir um skólastarfið undir ráðið. Foreldraráð fylgist enn fremur með því að skólanámskrá og aðrar áætlanir séu kynntar fyrir foreldrum og hvernig þær eru framkvæmdar. Foreldraráðið fjallar um ábendingar frá foreldrum og öðrum forsjáraðilum um starfsemi leikskólans og aðbúnað barnanna og getur komið þeim á framfæri við leikskólastjóra eða bæjaryfirvöld.
Leikskólastjóri Grænuvalla stendur fyrir kosningu í foreldraráð. Aðilar eru kosnir til eins árs í senn. Leikskólastjóri starfar með foreldraráði og eru haldnir reglulegir fundir.
Hlutverk foreldraráðs samkvæmt lögum um leikskóla frá 12. júní 2008 er:
„ … að gefa umsagnir til leikskóla og nefndar, sbr. 2. mgr. 4. gr., um skólanámskrá og aðrar áætlanir sem varða starfsemi leikskólans. Þá skal ráðið fylgjast með framkvæmd skólanámskrár og annarra áætlana innan leikskólans og kynningu þeirra fyrir foreldrum. Foreldraráð hefur umsagnarrétt um allar meiri háttar breytingar á leikskólastarfi.“
Stjórn Foreldraráðs 2025-2026:
Benedikt Þorri Sigurjónsson benedikt.thorri@gmail.com
Cristin Irma Schröder christin.i.schroder@gmail.com
Elva Héðinsdóttir 92elvah@gmail.com
